تشرینی دووه‌م 13, 2019

كیشوەری بەستووی باشوور لەمێژە دەستی بە توانەوە كردووە!

تازەترین لێكۆڵینەوەی زانستیی دەربارەی (ئەنتاركتیكا) واتە (كیشوەری بەستووی باشوور) دەریخست كەوا ئاستی سەهۆڵ لەو كیشوەرەدا زۆر لەمێژە لە كورتی داوەو بەرەو سنووداربوونەوە دەچێت كە كاتەكەی دەگەڕێتەوە بۆ ساڵی 1706، واتە پێش دەیان ساڵ لە شۆڕشی پیشەسازیدا، ئەمەش واتای ئەوە دەگەیەنێ كەوا جگە لە كارتێكردنی دەستكردی مرۆڤ، كاریگەرییە سروشتییەكانیش رۆڵی خۆیان بووەو دەشبێت لە گۆڕینی ناوچەكەو لەدەستدانی رووبەرە سەهۆڵییەكان.
لێكۆڵینەوەیەكی پیپَشووتر ئاماژەی داوە كەوا رووبەری سەهۆڵبەندییەكانی كیشوەری بەستووی باشوور بەرێژەی 6 ئەوەندەی رێژەی سروشتی خۆی روو لە داڕمان و لەناوچوونە بە بەراورد لەگەڵ 40 ساڵ پێش ئێستادا، جا ئەگەر ئەم داڕمانە بەو خێراییەی ئێستا بەردەوامبی، ئەوا ئەگەرەكانی روودانی لافاوی مەزن لە چەندین ناوچەی جیهاندا ژیانی ملیۆنەها كەس دەخاتە ژێر مەترسییەوەو لە ماوەی چەند سەدەیەكی كەمی داهاتوودا، خەڵكانێكی زۆر ناچار دەبن ماڵەكانیان جێبێڵن و ئاوارەی ناوچەی دیكە بن.
بەڵام لەو لێكۆڵینەوەی ئێستادا، پسپۆڕانی (رووماڵكردنی بەریتانی لە كامبریج) بۆ كیشوەری (ئەنتاركتیكا) هەڵسان بە ئامادەكردنی تۆماری توانەوەی سەهۆڵ لەماوەی 6250 ساڵی رابردوو بۆ ناوچەی ناسراو بە (باكووری رۆژهەڵاتی نیمچە دوورگە) لە (كیشوەری بەستووی باشوور) و بۆیان دەركەوت كەوا ئاستەكانی داڕمان و توانەوەی بارستەو شاخە سەهۆڵییەكان دوای ساڵی 1400 ەوە دەستی بە توانەوە كردووەو لە سنووری ساڵی 1700 ی میلادی گەیشتۆتە ئاستێكی یەگجار زۆر بەرز، واتە پێش 50 ساڵ لە شۆڕشی پیشەسازی، كە لەو خاڵەوە ئیدی مرۆڤ بە شێوەیەكی بەربڵاو دەستیكرد بە فڕەدانی گازە گەرمكارەكان بۆ نێو بەرگەهەوای زەویدا.

————————– Media / GDMS ———————————

nhenyaki